Ўзбекистонда коронавирус касаллигига чалинган бемор қайд этилди

Бугун Ўзбекистонда коронавирус касаллигига чалинган бемор рўйхатга олинди. Бу ҳақда www.worldometers.info хабар берди.

Ижтимоий тармоқларда тарқалган хабарларга кўра 15 март куни соат 06:00 да Республика Вирусология институти лабораториясида Францияда бўлиб қайтган бир нафар Ўзбекистон фуқаросида COVID-19 коронавирус инфекцияси аниқланди.

Соғлиқни сақлаш вазирлигининг маълум қилишича, ҳозир суриштирув ҳамда касалликни тарқалиб кетмаслиги учун профилактик чора-тадбирлар тўлиқ амалга оширилмоқда.

Айтилишича, вирусга чалинган бемор — аёл кишидир ва у Франциядан қайтгач, алоқада бўлган барча оила-аъзолари ҳам назоратга олинган.

Ушбу ҳолат юзасидан қўшимча маълумот тақдим этилиши маълум қилинган.