Жиноят кодексига кўра, қимор ва таваккалчиликка асосланган бошқа ўйинларни қонунга хилоф равишда ташкил этиш ёки ўтказиш, шу жумладан ана шундай ўйинлар учун қиморхоналар ташкил этиш ёки уларни сақлагани учун жавобгарлик белгиланган.
Шунга қарамасдан баъзида тўқликданми, бекорчиликдан, ёки эрмак учунми қимор ўйновчилар учраб туради.
2026 йил январ ойида Ф.Ф. танишларини уйига чақириб картада эрмак учун қимор ташкил этди.
Бу ҳолат ички ишлар ходимлари томонидан фош этилди ва тегишли чоралар кўрилиб иш Жиноят ишлари бўйича Шўрчи туман судига ўтказилди.
Жиноят ишлари бўйича Шўрчи туман суди томонидан Ф.Ф.га уч йил аҳлоқ тузатиш ишлари жазоси тайинланди.
Қимор зарари кўп иллатдир. Айниқса, кишилар ўртасига адоват ва ёмон кўришлик солиши ҳаммасидан ўтиб тушади. Буни содда мантиқ ҳам кўрсатиб туради. Ютқизган қиморбоз ўзидан бир дақиқа ва бир ҳаракат ила катта ёки оз миқдордаги маблағни ютиб олган қиморбозни ҳеч қачон яхши кўрмайди ёки унга ўзини дўст санамайди.
Қиморнинг орқасидан чиққан жанжаллар, душманликлар, ёмон кўришлар, қотилликлар ҳақида ҳар доим эшитиб турамиз.
Шундай экан, фарзндларимизга, таниш-билишларга қиморбозлик балосининг оқибатларини тушунтириб, уларни бу бало домига тушиб қолишига йўл қўймаслигимиз лозим.
Жиноят ишлари бўйча
Шўрчи туман судининг девонхона мудири
Тажиев Тохир Сайфиддинович
