Жорий йилнинг 1 сентябрь ҳолатига Ўзбекистон 64 та давлатдан қиймати 16,1 млн. AҚШ долларига тенг бўлган тайёр кийим-кечак маҳсулотларини импорт қилган. Бу ўтган йилга нисбатан 10,2 млн. AҚШ долларига кам.
Давлат статистика қўмитаси маълумотларига кўра, ўтган саккиз ой мобайнида импорт қилинган тайёр кийим-кечак маҳсулотларининг энг катта улуши Хитой (6,5 млн.), Туркия (4,9 млн.), Россия Федерацияси (839,1 минг), Ҳиндистон (714,0 минг) ва 647,9 минг АҚШ доллари билан Германия ҳиссасига тўғри келган.
