Туман марказидаги «Чароғон» маданият ва истироҳат боғида Наврўз сайли кўтаринки кайфиятда ўтказилмоқда. Байрам сайлига турди ёшдаги турли касб эгалари ташриф буюрмоқдалар. Айниқса болажонларнинг хурсандчилиги чексиз.
Дошқозонларда сумалак пишмоқда, турли ноз-неъматлар меҳмонларга мунтазир.
Халқимизнинг кўп йиллик қадриятлари намуналари намойиш этилмоқда, айниқса тошдан, ёғочдан ясалган идишлар, асбоб-ускуналар беихтиёр диққатингизни тортади.
Наврўзга бағишланган куй-қўшиқлар янграмоқда. Туманимиздаги ва юртимиздаги машҳур санъаткорлар иштирокида ўтаётган концерт томошабинлар билан гавжум.
Обод юртга байрамлар ярашади!
