Бош прокуратура ҳузуридаги Департаментнинг Ургут туман бўлими томонидан терговга қадар текширув ўтказилди.
Унда “Ургуттумангаз” таъминоти бўлими ходимлари аҳолига етказиб берилган 127 218 дона маиший газ баллонларини хонадонларга ўрнатиб бериш хизмати кўрсатилмаган бўлса-да, фуқароларнинг ишончига кириб, ушбу хизмат учун 381,7 миллион сўм нақд пулларни фирибгарлик йўли билан ортиқча ундириб олишга эришиб, ушбу маблағларни махсус ҳисоб рақамга топширмаслик мақсадида фуқаролар номидан газ баллонларини ўрнатиб беришни рад қилиш тўғрисида сохта аризаларини расмийлаштирганликлари аниқланган.
Мазкур ҳолат юзасидан “Ургуттумангаз” газ таъминоти бўлими ходимларига нисбатан Жиноят кодексининг 168-моддаси (фирибгарлик) ва 228-моддаси (ҳужжатларни қалбакилаштириш) билан жиноят иши қўзғатилиб, тергов ҳаракатлари ўтказилмоқда.
Иқтисодий жиноятларга қарши курашиш департаменти ахборот хизмати.
