Jahon
Трамп ИШИД раҳбарининг йўқ қилинганлигини тасдиқлади
АҚШ президентининг таъкидлашича, махсус операция давомида ал-Бағдодийнинг кўплаб шериклари йўқ қилинган, бирорта ҳам америкалик аскар ҳалок бўлмаган.
АҚШ Президенти Доналд Трамп махсус брифингда «Исломий давлат» (ИШИД) террорчилик ташкилоти раҳбари Абу Бакр ал-Бағдодийнинг АҚШ ҳарбийлари томонидан Суриянинг Идлибдаги операцияси пайтида йўқ қилинганини тасдиқлади.
Трамп операция пайтида ал-Бағдодийнинг кўплаб шериклари йўқ қилинганини таъкидлади.
«Бошқаларни қўрқитишга уринган босқинчи ўзининг сўнгги дақиқаларини қўрқув ва ваҳима ичида ўтказди», деди АҚШ президенти. Бу ҳақда euronews телеканали ва бошқа ахборот сайтлари хабар берди.
