Бу кўпиртиришмас, бор гап: 83 та медал. Шундан 13 та олтин, 24 та кумуш, 46 та бронза.
Тошкент педиатрия институтининг Академик лицейи ўқувчилари жаҳон ва халқаро фан олимпиадаларида қўлга киритган натижаларига шу кунга қадар жаҳоннинг бошқа бирор бир таълим муассасаси эришмаган экан.
Даргоҳнинг илмпарвар устозлар билан тўла жамоасига кўплаб илмий ва педагогик жамоалар ҳавас қилади.
Маскан билан танишишда лицей директори Ортиқбой Ишонқуловнинг вилоятлардаги мактаб ўқувчиларининг ОТМга киришига тайёрлаш бўйича йўлга қўйган тажрибаси ҳам бизни ҳурсанд қилди.
Натижалар зўр, аммо уларга эътибор йўқ. Афсуски тенги йўқ лицейнинг биноси таъмирталаб, лаборатория жиҳозлари эскирганича қолган.
Президентимизнинг лаборатория жихозларини янгилаб бериш бўйича шаҳар ҳокимига берган топшириғи бажарилмаган. Масъулларнинг таъмирланган бино ва замонавий лаборатория бўйича берган ваъдалари эсдан чиққан.
Мана биз эса эслатаяпмиз.
