Kasbim-faxrim

ТАЙИНЛОВ: Қумқўрғон туманига янги ҳоким тайинланди

Халқ депутатлари Қумқўрғон тумани кенгашининг навбатдан ташқари сессиясида ташкилий масала кўриб чиқилди.
Вилоят ҳокими Тўра Боболов, маҳаллий кенгашлар депутатлари, вилоят, туман ҳокимлиги ва давлат, жамоат ташкилотлари мутасаддилари иштирок этган сессияда туманни ижтимоий-иқтисодий ривожлантириш кўрсаткичлари пастлигича қолаётгани, аҳоли турмуш шароитини оширишга етарли эьтибор берилмаётгани танқид қилинди.
Сессияда шу кунга қадар туман ҳокими лавозимида ишлаб келаётган Гаппаров Раҳматулло Бобохонович вазифасидан озод этилди. Туман ҳокими лавозимига Нормаматов Анвар Маматович тасдиқланди
Анвар Нормаматов 1981 йил 10 мартда Ангор туманида туғилган. 2003 йил Ўзбекистон Республикаси ички ишлар вазирлиги академиясини тугатган. Маълумоти бўйича мутахассислиги ҳуқуқшунос.
А.Нормаматов 2003-2021 йилларда Сурхондарё вилояти ички ишлар органларида турли лавозимларда фаолият юритган.
Анвар Нормаматов 2021 йилдан буён Термиз шаҳри бўйича ички ишлар органлари фаолиятини мувофиқлаштириш бошқарма бошлиғи лавозимида ишлаб келаётган эди.
Сессияда сўзга чиққанлар туманни ижтимоий-иқтисодий ривожлантириш, мавжуд имконият ва ресурслардан самарали фойдаланиш борасида туман фаоллари олдида турган долзарб вазифалар кўрсатиб берилгани, ана шу амалий кўрсатмалар асосида ишни тўғри ташкил этиб, ҳамжиҳатлик билан меҳнат қилиш ва кўзланган марраларга эришиш зарурлигини алоҳида таъкидладилар.
Сурхондарё вилояти ҳокимлиги Матбуот хизмати

Related Articles

Добавить комментарий

Ваш e-mail не будет опубликован. Обязательные поля помечены *

Back to top button