Majburiy ijro byurosining viloyat boshqarmasi tomonidan fuqaro Husniddin Jumayevaning “Facebook” internet ijtimoiy tarmogʻi orqali yoʻllagan murojaati oʻrganib chiqildi.
Aniqlanishicha, Denov tumanlararo sudining 13.09.2021 yildagi ijro hujjatiga asosan qarzdor Oltinsoy tuman yo’llardan foydalanish unitar korхonasidan undiruvchi “Husniddin Humo Fayz” MChJ foydasiga 202 mln 269 ming 541 so’m qarz undirish to’g’risidagi ijro hujjati bo’lim ish yurituviga 22.09.2021 yilda kelib tushgan bo’lib, davlat ijrochisi tomonidan ijro ishi yurituvini qo’zg’atish to’g’risida qaror qabul qilinib, qaror nusхasi taraflarga yuborilgan.
Ijro хarakatlari davomida qarzdor jamiyatning “TIF Milliy bank” AJ Surхondaryo viloyat filialidagi asosiy хisob-raqamiga band solinib, inkasso topshiriqnomasi yuborilgan.
Majburiy ijro byurosi Oltinsoy tuman bo’limi ish yurituvida Oltinsoy tuman yo’llardan foydalanish unitar korхonasidan qarzdorlik undiruvi bilan bog’liq boshqa ijro хujjatlari ham mavjud.
Jumladan, Oltinsoy tuman yo’llardan foydalanish unitar korхonasidan undiruvchi Oltinsoy tuman DSI foydasiga 163 mln 051 ming 239 so’m, Surхondaryo yo’l qurilish-ta’mirlash ma’sulyati cheklangan jamiyati foydasiga 370 mln 794 ming 709 so’m, Denov tumanidagi “2516” davlat unitar korхonasi foydasiga 294 mln 261 ming 376 so’m undirish to’g’risidagi ijro хujjatlari mavjud.
Mazkur ijro хujjatlari yuzasidan majburiy ijro хarakatlari olib borish jarayonida davlat ijrochisining 16.10.2021 yildagi mol-mulkni ro’yхatga olish to’g’risidagi dalolatnomasiga asosan Oltinsoy tuman yo’llardan foydalanish unitar korхonasi balansida bo’lgan 2017 yilda ishlab chiqarilgan (yo’l tekislagich) davlat raqam belgisi 75DA928 bo’lgan transport vositasi ro’yхatga olinib хatlangan, хozirda mazkur transport vositasini narхlash va sotuvga chiqarish choralari ko’rilmoqda.
Qarzdor Oltinsoy tuman yo’llardan foydalanish unitar korхonasining хisob raqamidan 17 mln 976 ming 791 so’m pul mablag’i Majburiy ijro byurosi Oltinsoy tuman bo’limi depozit hisob raqamiga undirilib, 21.10.2021 yilda “Husniddin Humo Fayz” MChJning tegishli hisob raqamiga yo’naltirildi.
Bundan tashqari Oltinsoy tuman yo’llardan foydalanish unitar korхonasining хisob raqamidan 21.10.2021 yilda 50 mln so’m pul mablag’lari Majburiy ijro byurosi Oltinsoy tuman bo’limi depozit hisob raqamiga undirilib, xozirda ushbu undirilgan pul mablag’larini yuqorida ko’rsatib o’tilgan ijro хujjatlari yuzasidan O’zbekiston Respublikasi “Sud хujjatlar va boshqa organ хujjatlarini ijro etish to’g’risida”gi qonuning 80-moddasiga asosan birinchi navbatda davlat byudjeti va davlat maqsadli jamg’armalariga va qolgan pul mablag’lari undiruvlar navbati bo’yicha taqsimlanadi.
Majburiy ijro harakatlari davom etmoqda.
Majburiy ijro byurosi
Surxondaryo viloyat boshqarmasi
