Mir Alisher Navoiy — o‘zbek xalqining ulug‘ shoiri va buyuk mutaffakiri bo‘lib, uning nomi dunyoning eng mashhur shoirlari, davlat va jamoat arboblari qatorida tilga olinadi. Buyuk olim, g‘azal mulkining sultoni, o‘zbek adabiy tilining asoschisi Alisher Navoiy barcha davrlarda turk dunyosi tomonidan “shams ul-millat” ya’ni “millat quyoshi” deb e’zozlangan.
Butun umrini turkiy til mavqeini yuksaltirish, turkiy adabiyot imkoniyatlarini dunyoga tan oldirish, jamiyatda haqiqat va adolat mezonlarini qaror toptirishga bag‘ishlagan bobokalonimiz bu e’tirofga to‘la-to‘kis munosib va haqlidir.
Bugun yurtimiz bo‘ylab buyuk bobokalonimiz tavalludining 583 yilligi keng nishonlanmoqda.
