Hodisalar
Икки нафар шахснинг тиббиёт соҳасига ишга қабул қилиниши учун 500 ва 600 АҚШ доллари талаб қилинди
Бош прокуратура ҳузуридаги Департаментнинг Сирдарё вилоят бошқармаси ва Ховос туман бўлими ходимлари томонидан Ж.нинг аризасига асосан жорий йилнинг 3 февраль куни ўтказилган тезкор тадбирда фуқаро Ш. ўзининг танишлари орқали Ж.ни Республика шошилинч тез тиббий ёрдам маркази Сирдарё вилоят филиалига Тез тиббий ёрдам фелдшерлик лавозимига ишга жойлаштириш эвазига ундан 600 АҚШ доллари пулларни талаб қилиб олаётган пайтда ушланган.
Бундан ташқари, шу куни фуқаро Х.нинг аризасига асосан Департаментнинг Сирдарё вилоят бошқармаси томонидан ўтказилган тезкор тадбирда Мирзаобод туман тиббиёт бирлашмаси шифокори И. фуқаро Х.ни Мирзаобод туман давлат санитария эпидимиология назорати марказига ишга киритиб қўйиш эвазига ундан 500 АҚШ доллари пулларни талаб қилиб олаётган пайтда ушланган.
Бу ҳақда коррупцияга қарши курашиш бўйича Сирдарё вилоят ҳудудий идоралараро комиссиясининг Ховос шаҳарчасидаги “Темир йўлчилар саройи”да бўлиб ўтган навбатдаги йиғилишида маълум қилинди.
Ҳозирда мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, дастлабки тергов ҳаракатлари олиб борилмоқда.
