‘”Biz bilan 3 oyda IELTS oling” kabi reklamalar ijtimoiy tarmoqlarning eng e’tibor tortar reklamalaridan biriga aylanib bormoqda . Xo‘sh, bunday reklamalar samaralimi? Ko‘pchilik odamlar tez natijalarga erishishni istashadi, ayniqsa IELTS kabi xalqaro miqyosdagi imtihonlar uchun. Ushbu reklamalarda vaqtning qisqaligi va muvaffaqiyatning yuqoriligi ta’kidlanadi, bu esa ko’pchilikni o‘ziga jalb qiladi. Bu kurslarning marketing strategiyasi tez va jozibador va’dalar orqali e’tiborni jalb qilishga qaratilgan. Qisqa vaqt ichida katta natijalarga erishish va’dasi odamlarni e’tiborini qozonishning eng oson usuli hisoblanadi.
Shuning uchun, bunday kurslarga yozilishdan oldin, ularning haqiqiyligini, malakali o’qituvchilar borligini va oldingi o’quvchilar tajribalarini tekshirish lozim.
G‘afurova Go‘zal
O‘zDJTU Xalqaro jurnalistika talabasi
