Ўзбекистон Республикаси Жиноят кодексига ўзгартириш киритилди. (ЎРҚ-1065-сон, 19.05.2025 й.)
Қонун билан Жиноят кодексининг 135-моддасига одам савдоси билан боғлиқ бўлган жиноятни содир этганлик учун жазо чоралари кучайтирилишини назарда тутувчи ўзгартириш киритилди.
Унга кўра, одам савдоси жиноятини қалбаки ҳужжатлардан фойдаланган ҳолда, худди шунингдек жабрланувчининг шахсини тасдиқловчи ҳужжатларни олиб қўйган, яширган ёхуд йўқ қилиб юборган ҳолда содир этганлик учун:
5 (беш) йилдан 10 (ўн) йилгача озодликдан маҳрум қилиш билан жазоланиши белгиланди.
Илгари мазкур жиноят учун 5 (беш) йилдан 8 (саккиз) йилгача озодликдан маҳрум қилиш жазоси белгиланган.
Шунингдек, ушбу жиноят жабрланувчининг ўлимига ёки бошқа оғир оқибатларга сабаб бўлса:
10 (ўн) йилдан 15 (ўн беш) йилгача озодликдан маҳрум қилиш билан жазоланиши кўзда тутилди.
Илгари мазкур жиноят учун 8 (саккиз) йилдан 12 (ўн икки) йилгача озодликдан маҳрум қилиш жазоси белгиланган.
Қонун расмий эълон қилинган кундан эътиборан кучга кирди.
Сурхондарё вилоят судининг
судья катта ёрдамчиси З.Абдимуратов
