Шўрчи туманида яшовчи фуқаро Ж. С. 2026 йил май ойида яшаш уйининг хонасида турмуш ўртоғи Р. Т. билан оилавий келишмовчилик сабабли тортишиб, жанжаллашиб қолиб, эрини уриб, “соғлиғининг бузилишига сабабчи бўлган енгил” тан жароҳати етказган.
Суд мажлисида айбланувчи С.Ж. ва жабрланувчи Р.Т.лар ариза билан мурожаат қилишиб, жиноят ишини ярашганликлари муносабати билан тугатишни сўрашган.
Айбланувчи С.Ж. айбига ўз ихтиёри билан тўлиқ иқрор эканлиги, қилмишидан пушаймонлиги, содир этган қилмишининг оқибатларини англаганлиги, жабрланувчига етказилган зарарни тўлиқ қоплаганлиги, ҳозирда жабрланувчи билан бирон-бир тазйиқсиз ярашиб олганлиги ҳақида кўрсатув бериб, жиноят ишини тугатишни сўради.
Жабрланувчи Р.Т. айбланувчи С.Ж.га нисбатан ҳеч қандай даъвоси йўқлиги, етказилган зарар тўлиқ қопланганлиги, аризани ўз хоҳиши билан ёзганлиги, унга бирон-бир тазйиқ бўлмаганлиги, ярашув суд томонидан тасдиқлангандан кейин келиб чиқадиган ҳуқуқий оқибатларни тушунганлиги ҳақида кўрсатув бериб, жиноят ишини тугатишни сўради.
Суд, жабрланувчи Р.Т. айбланувчи С.Ж.нинг ярашув тўғрисидаги аризаларини жиноят иши ҳужжатлари билан ўрганиб, С.Ж.га нисбатан юритилган жиноят ишини ярашганлик муносабати билан тугатишни лозим топди.
Мустақиллик йилларида суд ҳокимиятининг фаолияти жамиятда ижтимоий адолат ўрнатиш, қонун устуворлигини таъминлаш, инсон ҳуқуқлари ва қонуний манфаатларини муҳофаза этишга қаратилганлиги бежиз эмас.
2001 йил 29 августда “Жиноий жазоларнинг либераллаштирилиши муносабати билан Ўзбекистон Республикасининг Жиноят, Жиноят-процессуал кодекслари ҳамда Маъмурий жавобгарлик тўғрисидаги кодексига ўзгартиришлар ва қўшимчалар киритиш ҳақида”ги Қонуннинг қабул килиниши туфайли мамлакатнинг жиноят ва жиноят-процессул қонунлари инсонпарварлик ғоялари асосида чуқур ислоҳ этилди.
Жиноят қонунчилигига ярашув институтининг жорий этилганлиги мазкур Қонуннинг энг муҳим жиҳатларидан биридир. Ярашув институти жиноий жавобгарликдан озод қилишнинг бир тури сифатида шахснинг айбдорлик масаласини ҳал қилмай туриб жиноят ишини тугатиш учун асос бўлади.
Жиноят ишлари бўйича
Шўрчи туман суди раиси
Т.Тилавов
