1887 йил (бундан 136 йил олдин) – тарихчи Зулфия Даминованинг тадқиқот ишида ёзишича, Термиз–Карки йўналишида Амударё флотилияси барпо этилди. Унинг асосий вазифаси Амударёда Термиз ва Карки, Петро–Александровск, Чоржўй ўртасида давлат ва хусусий мулкларни ташиш эди.
Дастлаб Амударё флотилиясида 1888 йилда “Царь” (“Подшо”) ва “Царица” (“Малика”), кейинроқ 1895 йил “Царевич” (“Шаҳзода”), 1899 йилда “Великая княжна Ольга” (“Буюк княжна Ольга”), 1901 йилда “Император Николай II” ва бошқа параходлар Амударё бўйлаб йўловчилар ва юкларни ташиган.
