Бу қизиқ
Маъмурий судларнинг асосий вазифаси фуқаролар ва тадбиркорлар ҳуқуқларини ҳимоя қилиш ҳисобланади
Маъмурий судларнинг биринчи навбатдаги вазифаси фуқаролар ва тадбиркорларнинг давлат органлари билан муносабатларида қонун устуворлигини таъминлаш билан бир қаторда улар ҳуқуқлари ва қонуний манфаатларини самарали ҳимоя қилиш ҳисобланади.
Судлар томонидан даъво аризаси, ариза ҳамда шикоят судга тааллуқли бўлмаганлиги сабаби билан рад этилмайди, бунда иш уни кўриб чиқишга ваколатли судга ўтказилади.
Маъмурий суднинг қонуний кучга кирган ҳал қилув қарорида аниқланган ҳолатлар бошқа ишни кўраётган фуқаролик ишлари бўйича суд учун мажбурий ҳисобланади.
Бир суд иши доирасида баъзилари маъмурий судга, бошқалари эса фуқаролик ишлари бўйича судга тааллуқли бўлган бир нечта талабни бирлаштириш тақиқланади.
