Бугун Ўзбекистон Республикаси Президенти ҳузуридаги Давлат бошқаруви академияси ҳамда Давлат хизматини ривожлантириш агентлиги ҳамкорлигида давлат фуқаролик хизматчилари учун ташкил этилган навбатдаги сиёсий-маърифий ўқув соатида секторлар раҳбарлари, ҳокимлик ходимлари ва секторлар котиблари иштирок этди.
Ўқув соатида маърузачилар Ўзбекистон Республикаси Президентининг Олий Мажлисига йўллаган Мурожаатномасидаги ҳар бир устивор масала юзасидан алоҳида соҳа мутаҳассислари тушунча берди. Шу билан бир қаторда “Янги Ўзбекистон мактаб остонасидан, таълим тарбия тизимидан бошланади” ғояси асосида кенг кўламли ислоҳотларнинг мазмун-моҳияти, Таркибий ислоҳотларнинг муҳим йўналиши – давлатнинг иқтисодиётдаги иштирокини камайтиришга доир чора-тадбирлар, Давлат бошқаруви тизими ва давлат идоралари фаолиятини такомиллаштириш масалалари, Адолат ва қонун устиворлигини таъминлашда суд ҳокимиятининг ўрни, Ўзбекистон ташқи сиёсатини амалга оширишдаги устувор вазифалар таҳлили ҳақида тўхталиб ўтишди
