Madaniyat

Терговчига туҳмат қилган Facebook аъзолари жиноий жавобгарликка тортилади-ИИББ

Facebook ижтимой тармоғидаги Uzbek MDK гуруҳи аъзолари ички ишлар органлари ходимларига туҳмат қилганликлари учун жиноий жавобгарликка тортилишлари мумкин. Бу ҳақда пайшанба куни бўлиб ўтган брифинг чоғида ИИББ раҳбари Дониёр Тошхўжаев хабар қилди
Бу ҳақда “Sputnik” хабар берди. Шу кунларда Facebook ижтимоий тармоғидаги бир нечта гуруҳларда жорий йилнинг июл ойида Сирғали туманида бир қизга пичоқ билан жароҳат етказган эркак 3 йилга озодликдан маҳрум этилгани ҳақида хабарлар тарқалди.
Жиноятчига ўта юмшоқ жазо берилгани баён этилган, шубҳали шахс аккаунтидан тарқатилган пост қисқа вақт ичида итимоий тармоқда оммалашиб кетган ва хабар тагидан юзлаб изоҳлар қолдирилган.
Пост муаллифи ушбу хабарни кенг оммага тарқатишда ҳамда қандайдир чоралар кўришда фойдаланувчиларни ёрдамга чақирган.
«Жабрланган номидан. Ассалому алайкум, 27 июлда Сирғали тумани ҳудудида бир эркак томонидан пичоқланган аёл ҳодисаси эсингиздами. Тасаввур қилинг, жамоатчилик учун хавфли бўлган бу одамга 3 йил уй қамоғи жазоси берилибди, яъни у жазоланмаган!!!… айни вақтда у менинг ҳаётимга таҳдид солади!!! Бизнинг ҳукуматимиз қаерга қараяпти?! У ҲАММАМИЗ УЧУН ХАВФЛИ! МЕН АДОЛАТ ТАЛАБ ҚИЛАМАН!!!!! ФАЛОКАТНИНГ ОЛДИНИ ОЛИШ УЧУН ШУ ХАБАР БИЛАН БЎЛИШИНГ!!! МЕН СИЗЛАРДАН ЎТИНИБ СЎРАЙМАН, ЙЎҚ ДЕМАНГ! ЭЪТИБОРСИЗ ҚОЛДИРМАНГ! У муқаддам ҳам шунга ўхшаш модда бўйича судланган бўлган, буни шундай қолдириб бўладими?, — дейилади хабарда.
Хабар тагида қолдирилган изоҳларнинг аксарияти агрессив характерда бўлиб, фойдаланувчиларнинг аксарият қисми ушбу ҳукмни чиқарган судьяни, яна кимдир Сирғали ИИББ терговчисини пора олишда айблашган. Айримлар ҳатто петиция ёзишга даъват қилган.
Маълум бўлишича, Тошкент шаҳар ички ишлар бош бошқармасида бу ҳолатга эътибор қаратишган. Яна бир бор иш кўтарилган ва тергов материаллари ўрганилган ҳамда хабар тагидаги изоҳлар ИИБ ходими шаънига бўхтон ёғдириш деган хулосага келинган.
«Сирғали туман терговчиси унинг номига бўхтон ёғдиришган шахсларга нисбатан қонуний чора кўришни сўраб рапорт билан мурожаат қилди. Биз рапортни қабул қилдик ва ўша одамларни топиб, тегишли чоралар кўриши учун прокуратурага топширдик. Агар ўша одамлар бизнинг ходимимиз айбланувчидан қандайдир мукофот олган, деган гапни айтишаётган экан, далил келтиришсин. Туҳмат ҳақида модда бор. Айни вақтда бизнинг терговчимизни порахўрликда айблашган. Ва биз бу бўхтонлигини исботлашга қарор қилганмиз», — деб таъкидлади брифинг давомида Тошкент ИИББ раҳбари ўринбосари Дониёр Тошхўжаев.

Related Articles

Close