Албатта, юртимизда тадбиркорлар учун кенг имкониятлар бериляпти. Бундан самарали фойдаланишга астойдил ҳаракат қилаётган Т.Ишонқулованинг мақсади катта, режалари бисёр.
— Аёлнинг бахти нимада деб кўп сўрашади, — дейди қаҳрамонимиз. — Кимдир бир мансабга ўтириши, кимдир ўзи хоҳлаган нарсаларга эришиши, яъни данғиллама ҳовли, машинами ёки яна нималарнидир ютуқ деб билса, фарзандларимнинг камоли, ютуқлари, соғлиги, қувончи, оилам тинчлиги эришган ютуқларимни чинакам бахтим деб биламан. Яна бир бахтим меҳнатимда, ўз ишимни севишимда.
