Янги йилингиз муборак бўлсин!

Шўрчи туманидаги истироҳат боғидаги Янги йил арчаси бугун ҳам ҳар кунгидек болажонлар билан гавжум. Саҳнада мусиқа янграмоқда, Қорбобо болажонлар билан рақсга тушмоқда. Набирасини олиб келган онахон билан суҳбатлашдик.

-Бугун набирам билан Янги йил арчаси ёнида суратга тушиш учун келдик. Қаранг, ҳамма хурсанд. Худога шукур, юртимиз тинч. Тинч юртда ҳар куни байрам, ҳар куни тўй.
Байрамда халқимизнинг тинчлигини таъминлаётган ички ишлар ходимларига раҳмат, байрам кунлари ҳам ўз хизмат вазифасини бажараётган фарзандларимиз омон бўлишсин.
Юртдошларимни Янги йил билан табриклайман!